330x100
 

Öz şəhərimizi binoklla uzaqdan görmək, buraya gələ bilməmək nə qədər ağrılı idi – İlham Əliyev

24.11.2020,11:09


24 noyabr, Fineko/abc.az. Bu gün Ağdam şəhərini dağılmış vəziyyətdə görmək çox ağrılıdır.

ABC.AZ xəbər verir ki, bunu Prezident İlham Əliyev işğaldan azad edilmiş Ağdam şəhərinə səfəri zamanı çıxışında deyib.

Ölkə başçısı bildirib ki, amma mən bir neçə il bundan əvvəl bu bölgədə olarkən, bizim səngərlərdə olarkən, o binanı binoklla görmüşəm.

"Bu hissləri sözlə ifadə etmək çətindir, mümkün deyil. Öz torpağımızda öz şəhərimizi, bax, o binanı binoklla uzaqdan görmək, buraya gələ bilməmək nə qədər ağrılı idi. Dəfələrlə təmas xəttində olarkən, səngərlərdə olarkən, fikirləşirdim ki, gün gələcək biz qayıdacağıq, biz öz ərazi bütövlüyümüzü bərpa edəcəyik".