11:53 - 26.11.2020

---

26 noyabr, Fineko/abc.az. Dünən Fransa Senatının Dağlıq Qarabağ münaqişəsi ilə bağlı qəbul etdiyi qətnamə beynəlxalq hüququn ən təməl prinsiplərinin, qanuniliyin və ədalətin daxili siyasət mülahizələri naminə heçə sayılmasının nümunəsidir.

ABC.AZ-ın məlumatına görə, bunu Türkiyə Xarici İşlər Nazirliyindən Fransa Senatında qondarma “Dağlıq Qarabağ respublikasının” tanınmasına dair tövsiyyə xarakterli qətnamə layihəsinin qəbulunu şərh edərkən bildiriblər.

"Qərarda Türkiyəyə istinadən dilə gətirilən əsassız iddiaları rədd edirik. Fransa Senatının bu qərarı həm də həmsədrlər tərəfindən aparılmış ATƏT-in Minsk Qrupunun işini niyə bu günə qədər həll edə bilmədiyinin bariz göstəricisidir".