Dövlət Xidməti ABŞ şirkəti ilə müqavilə imzalayıb – Detallar

12:08 - 26.11.2020


26 noyabr, Fineko/abc.az. Əmlak Məsələləri Dövlət Xidməti ilə ABŞ-ın ESRI şirkəti arasında Coğrafi İnformasiya Sistemləri sahəsində əməkdaşlıq barədə Anlaşma Memorandumu imzalanıb.

Dövlət Xidmətindən ABC.AZ-a verilən məlumata görə, onlayn formatda keçirilən tədbirdə İqtisadiyyat nazirinin müavini Rövşən Nəcəf Azərbaycanda iqtisadi və coğrafi informasiya sahəsi üzrə həyata keçirilən tədbirlər barədə məlumat verib və “ESRI” şirkəti ilə əməkdaşlığın genişləndiriləcəyini diqqətə çatdırıb.

ƏMDX-nın rəis müavini Rüstəm Şahbazov Xidmətin daşınmaz əmlak idarəçiliyi sahəsində Torpaqların Elektron Kadastr Uçotu və Ünvan Reyestri informasiya sistemlərinin istismara verildiyini, hazırda milli məkan məlumatlarının formalaşdırılması, müvafiq informasiya sisteminin yaradılması və onun Elektron Hökumət İnformasiya Sisteminə inteqrasiyası ilə əlaqədar müvafiq tədbirlərin həyata keçirildiyini diqqətə çatdırıb.

 

Bütün xəbərlər