330x100
 

Xarici dairələrdən siqnallar gəlirdi ki, beş rayonu alın, bununla da kifayətlənin – İlham Əliyev

01.12.2020,12:39


1 dekabr, Fineko/abc.az. Xəbər verdiyimiz kimi Laçının azad olunması münasibəti ilə Prezident İlham Əliyev xalqa müraciət edib.

ABC.AZ-ın məlumatına görə, müraciət zamanı dövlət başçısı bir sıra vacib məqamlara toxunub.

İ.Əliyev qeyd edib ki, bu 17 il ərzində dəfələrlə bizə müxtəlif yerlərdən, xarici dairələrdən belə siqnallar gəlirdi ki, indi beş rayonu alın, bununla da kifayətlənin. Siz müharibədə məğlubiyyətə uğramısınız, Ermənistan müharibədə, - Birinci Qarabağ müharibəsi nəzərdə tutulurdu, - qələbə qazanıb. Siz reallıqlarla razılaşın. "İndi beş rayon ki, sizə vəd verilir, o da böyük şeydir, siz onu alırsınız, Laçın, Kəlbəcər də qalsın sonraya, siz nə vaxt müstəqillik versəniz Dağlıq Qarabağa, o vaxt da o rayonların bir hissəsi sizə qayıda bilər" deyə İ. Əliyev bildirib.