330x100
 

Vətən müharibəsində 2783 hərbi qulluqçumuz həlak olub – Nazirlikdən açıqlama

03.12.2020,14:43

3 dekabr, Fineko/abc.az. Müdafiə Nazirliyi 44 günlük Vətən müharibəsi ilə bağlı açıqlama yayıb.

Nazirlikdən ABC.AZ-a daxil olan məlumata görə, sentyabrın 27-də Ermənistanın  ölkəmizə qarşı növbəti hərbi təcavüzünə cavab olaraq Silahlı Qüvvələrin Ali Baş Komandanın rəhbərliyi altında torpaqlarımızın işğaldan azad edilməsi məqsədilə Vətən müharibəsinə başlanıb.

"Şuşa şəhərinin azad edilməsi dünya hərb tarixinə düşəcək unikal hərbi əməliyyatlardan biridir. Vətən müharibəsində Silahlı Qüvvələrimizin 2783 nəfər hərbi qulluqçusu həlak olub.

Onların sırasında 103 nəfər hərbi qulluqçunun DNT analiz metodu ilə şəxsiyyətinin müəyyən edilməsi üzrə işlər davam etdirilir. 100 nəfərdən artıq hərbi qulluqçumuz isə itkin düşmüş hesab olunur. Onların tapılıb ailələrinə məlumat verilməsi üçün zəruri təbdirlər görülür.

Hazırda 1245 nəfər hərbi qulluqçumuzun tibb müəssisələrində müalicəsi davam edir" deyə məlumatda qeyd olunub.