16:26 - 3.12.2020

---

3 dekabr, Fineko/abc.az. Azərbaycan tərəfi etnik və dini mənsubiyyətindən asılı olmayaraq, bərabər şəkildə və ayrı-seçkilik olmadan bütün Azərbaycan vətəndaşlarının hüquq və azadlıqlarını təmin edərək Azərbaycan Respublikasının Dağlıq Qarabağ bölgəsinin ərazilərində yaşayan erməni əsilli vətəndaşlarını ölkənin siyasi, sosial, iqtisadi məkanına yenidən inteqrasiya etməkdə qərarlıdır.

ABC.AZ xəbər verir ki, bunu ATƏT-in Nazirlər Şurasının 27-ci iclasında xarici işlər naziri Ceyhun Bayramov deyib.

O qeyd edib ki, bu baxımdan Azərbaycanın Konstitusiyası möhkəm hüquqi bazanı təmin edir. Nazir daha sonra sözlərinə belə davam edib: "Münaqişənin əhatə etdiyi ərazilərdəki azərbaycanlı və erməni sakinlərinin Azərbaycanın suverenliyi və ərazi bütövlüyü çərçivəsində bir-birlərinin təhlükəsizliyinə, etnik və dini mənsubiyyətinə hörmətə əsaslanan dinc birgəyaşayışı təmin edilməlidir və sonunda təmin ediləcək".