Azərbaycan və Ermənistan dövlət sərhədində monitorinq keçiriləcək

11:36 - 20.02.2018


20 fevral, Fineko/abc.az. Azərbaycan və Ermənistan dövlət sərhədində növbəti monitorinq keçiriləcək.

Müdafiə Nazirliyinin məlumatında deyilir ki, fevralın 21-də Azərbaycan və Ermənistan dövlət sərhədinin Qazax rayonu istiqamətində növbəti monitorinqin keçirilməsi planlaşdırılır.

Monitorinq ATƏT-in fəaliyyətdə olan sədrinin şəxsi nümayəndəsinin mandatına uyğun olaraq həyata keçiriləcək.

Monitorinqi Azərbaycan tərəfindən ATƏT-in fəaliyyətdə olan sədrinin şəxsi nümayəndəsi Anjey Kaspşik, onun səhra köməkçiləri Mixail Olaru və Saymon Tiller keçirəcəklər.

Ermənistan tərəfindən isə monitorinqi şəxsi nümayəndənin səhra köməkçiləri Gennadi Petrika və Oqnyen Yoviç keçirəcəklər.

 

Bütün xəbərlər