330x110
 

Qarşıdakı 4 ildə Azərbaycana 22 milyard manat investisiya qoyulacaq

22.12.2020,16:55

22 dekabr, Fineko/abc.az. 2021-ci ildə Azərbaycanda əsas kapitala yönəldiləcək xarici investisiyaların həcmi bəlli olub.

ABC.AZ "Azərbaycan Respublikasının 2021-ci il və növbəti 3 il üçün iqtisadi və sosial inkişaf konsepsiyası və proqnoz göstəriciləri"nə istinadən xəbər verir ki, sözügedən dövrdə əsas kapitala yönəldiləcək xarici investisiyalar 0,2% artaraq 5 milyard 924,9 milyon manat təşkil edəcəyi proqnozlaşdırılır.

Sənəddə qeyd olunub ki, xarici investisiyaların 2022-ci ildə 4,6% azalaraq 5 milyard 772,5 milyon manata, 2023-cü ildə 16,1% azalaraq 4 milyard 950 milyon manata, 2024-cü ildə isə yenidən artaraq (+10%) 5 milyard 562 milyon manata bərabər olacağı gözlənilir.

Bu isə o deməkdir ki, növbəti 4 ildə Azərbaycanda əsas kapitala yönələn xarici investisiyaların ümumi həcmi 22 milyard 209,4 milyon manat təşkil edəcək.