330x110
 

Neftin qiyməti fərqli yöndə dəyişir, Brent bir barrelə $55,06-a qədər bahalaşıb

19.01.2021,10:00

19 yanvar, Fineko/abc.az. Neft qiymətləri çərşənbə axşamı ticarətində fərqli yöndə dəyişir. Brent markalı neft bahalaşır, ötən gün əsas ticarəti ABŞ-da istirahət günləri ilə əlaqədar keçirilməyən WTI isə ucuzlaşır.

Saat 9:26-da London ICE Futures birjasında ticarət edilən Brent-in mart fyuçersinin qiyməti barrel başına $0,31 (0,57%), $55,06 səviyyəsinə yüksəldi. 18 yanvarda keçirilən ticarətin nəticələrinə görə, Brent-in mart fyuçersləri $0,35 (0,64%) – bir barelə $54,75 qiymətinə düşüb.

Saat 9:26-da Nyu-York əmtəə birjasında (NYMEX) WTI-nin fevral ayına olan fyuçersi $0,02 (0,04%) – bir barelə $52,34 qiymətinə düşüb. ABŞ-da 18 yanvar bayram günü olduğuna görə həmin gün ticarət keçirilməyib.