330x110
 

Restoran işlədən sahibkar həbs olundu

08.02.2021,14:13

8 fevral, Fineko/abc.az. Sumqayıt şəhərində karantin rejimi qaydalarını pozaraq gecə saatlarında fəaliyyət göstərən restoran aşkar edilib. 

ABC.AZ DİN-ə istinadən xəbər verir ki, fevralın 6-da gecə saat 1 radələrində şəhərin 6-cı məhəllə ərazisində yerləşən “Zeytun” restoranının sanitar-epidemioloji normaları pozaraq fəaliyyət göstərdiyi müəyyən edilib. 

Restoranı icarə əsasında işlədən şəhər sakini Ş.Əkbərov barəsində İnzibati Xətalar Məcəlləsinin 211.1-ci maddəsi ilə (Epidemiya əleyhinə rejimin, sanitariya-gigiyena və karantin rejimlərinin pozulması) protokol tərtib olunaraq məhkəməyə göndərilib.

Sumqayıt şəhər Məhkəməsinin qərarı ilə Ş.Əkbərov 10 gün müddətinə inzibati qaydada həbs olunub.