15:54 - 23.02.2021

---

23 fevral, Fineko/abc.az. Dövlət Turizm Agentliyi tərəfindən Bakı şəhərində yerləşən hotellərdə monitorinq keçirilib.

Agentlikdən ABC.AZ-a daxil olan məlumata görə, Səhiyyə Nazirliyi ilə birgə həyata keçirilən monitorinqlərdə pandemiya dövründə fəaliyyət göstərən hotellərdə işçi heyətin və qonaqların təhlükəsizliyinin təmin edilməsi üçün tələb olunan gigiyena və sanitariya tədbirlərinin tətbiq edilməsi səviyyəsi yoxlanılıb.

Agentlik nümayəndələri hotellərin işçi heyətini, eləcə də qonaqları xüsusi karantin rejiminin qüvvədə olduğu müddətdə sosial məsafənin gözlənilməsi, dezinfeksiyaedici məhlullar, bütün qapalı və açıq məkanlarda tibbi maskadan istifadə edilməsinin məcburi olduğu barəsində bir daha xəbərdarlıq edib.

Müəllif: Elmir Murad