Nazir canlı yayımda sualları cavablandıracaq

17:29 - 16.03.2021

16 mart, Fineko/abc.az. Təhsil naziri Emin Əmrullayev martın 18-i saat 16:00-da feysbuk səhifəsində keçirəcəyi canlı yayımda ona ünvanlanan sualları cavablandıracaq.

ABC.AZ xəbər verir ki, bu barədə təhsil nazirinin feysbuk hesabındakı paylaşımda qeyd olunub.

“Canlı yayımda təhsilin keyfiyyətinə təsir edən amillərlə bağlı bu günlərdə keçirdiyimiz sorğunun nəticələri ilə yanaşı, mövzuya dair sizi maraqlandıran digər sualları da cavablandıracağam. Keçirilən sorğu çərçivəsində ümumilikdə 9 minədək rəy qəbul olunub və sorğu hələ də davam edir”, - deyə E. Əmrullayev bildirib.

 

Bütün xəbərlər