09:58 - 31.03.2021

---

31 mart, Fineko/abc.az. Neftin etalon markalarının qiymətləri, neft tələbinin perspektivləri baxımından treyderlərin optimistliyi fonunda çərşənbə günü yüksəlməkdədir.

Saat 9:19-da London ICE Futures birjasında keçirilən ticarətdə Brent neftinin may fyuçersləri bir barel üçün $0,32 (0,5%) bahalaşaraq $64,46 təşkil etmişdir. Martın 30-da keçirilən hərracların nəticələrinə görə, Brent markalı neftin may ayına olan fyuçersinin qiyməti $0,84 (1,29%) –  bir barelə $64,14-ə düşüb.

Saat 9:19-da Nyu-York əmtəə birjasının (NYMEX) hərraclarında WTI-nin may fyuçersinin qiyməti $0,29 (0,48%) artaraq bir barelə $60,84-a çatıb. Martın 30-da hərracların nəticələrinə görə, may ayına olan fyuçers $1,01 (1,64%) – bir barelə $60,55-ə düşdü.

OPEC + Nazirlər Monitorinq Komitəsinin iclası bazarın diqqət mərkəzindədir.  Belə ki, Komitə, may ayında neft hasilatı kvotası nazirləri tərəfindən müzakirə edilməzdən əvvəl bazarda vəziyyəti qiymətləndirəcək. Cümə axşamı nazirlər toplantısı keçiriləcək.