15:55 - 6.04.2021

---

6 aprel, Fineko/abc.az. Dövlət Gömrük Komitəsi (DGK) Kənd Təsərrüfatı Nazirliyi yanında Aqrar Xidmətlər Agentliyini növbəti dəfə cərimələyib.

ABC.AZ-ın Report-a istinadən məlumatına görə, Nərimanov Rayon Məhkəməsi DGK-nin protokoluna əsasən, Aqrar Xidmətlər Agentliyini 1 500 manat cərimə olunması barədə qərar çıxarıb.

Agentlik İnzibati Xətalar Məcəlləsinin 485.2-ci maddəsi ilə təqsirli bilinib. Kənd Təsərrüfatı Nazirliyi Yanında Aqrar Xidmətlər Agentliyi qərardan apellyasiya şikayəti verib. Şikayətə hakim Elmar Rəhimovun sədrliyi ilə baxılacaq.

Qeyd edək ki, Aqrar Xidmətlər Agentliyi bundan əvvəl də eyni inzibati xətaya görə cərimələnmişdi. Martın 18-də Bakı Apellyasiya Məhkəməsində hakim Əli Seyfəliyevin sədrlik etdiyi prosesdə agentliyin şikayətinin təmin edilməməsi barədə qərar çıxarılmışdı.