14:06 - 7.04.2021

---

7 aprel, Fineko/abc.az. Milli Televiziya və Radio Şurasının bugün keçirilən iclasında Qarabağda regional radio kanalının açılması üçün elan olunmuş müsabiqənin nəticələri açıqlanıb.

ABC.AZ-ın məlumatına görə,  digər iddiaçılarla müqayisədə müxtəlif dillərdə yayım aparmaq üçün üstün imkanlara, daha münasib maddi-texniki bazaya və peşəkar kadr potensialına malik olan "Caspian İnternational Broadcasting Company" Məhdud Məsuliyyətli Cəmiyyətinin ("CBC FM" radio kanalı) müsabiqənin qalibi elan olunması barədə qərar qəbul olunub.

Qeyd edək ki, 102,7 MHs işçi tezliyi üçün müsabiqə çərçivəsində 7 iddiaçı Şuraya sənədlərini təqdim etmişdi.

Bunlar "Real Təhlil İnformasiya Mərkəzi" MMC,"Caspian İnternational Broadcasting Company" MMC,"Balans Studiyası" MMC,"İNS ÇM" MMC, "İsti Press" MMC, "Azad Azərbaycan" Müstəqil Teleradio kompaniyası, "ARB 24" MMC-dir.