330x110
 

Azərbaycana gələn turistlərin sayı il ərzində 12% artıb

09.03.2018,15:29


9 mart, Fineko/abc.az. Azərbaycana gələn xarici vətəndaşların sayı artıb.

Azərbaycan Mədəniyyət və Turizm Nazirliyinin məlumatına görə, yanvar-fevral aylarında ölkəyə 352 074 əcnəbi gəlib, o cümlədən yanvarda 185 913 nəfər və fevralda 166 161 nəfər.

“Xaricilərin əksəriyyətini Rusiyadan gələn 103 245 nəfər təşkil edib. Gürcüstandan gələnlərin sayı 87 649 nəfər, Türkiyədən 48 657 nəfər, İrandan 28 111 nəfər, BƏƏ-dən 13 064 nəfər və daha 71 238 nəfər dünyanın digər ölkələrindən olub. xarici vətəndaşların ümumi sayında Rusiya, Gürcüstan, Türkiyə və İran vətəndaşlarının xüsusi çəkisi daha çox olmuş və müvafiq olaraq 29,3%, 24,8%, 13,8%  və 7,9% təşkil etmişdir”, -  məlumatda belə deyilir.

2017-ci ilin yanvar-fevral aylarında 313,418 əcnəbi ölkəyə gəlib, o cümlədən yanvar ayında 159,262, fevralda isə154,156. Ölkədə yaşayan əcnəbilərin axını ildə 12,3% və ya 38 656 nəfər artıb.

 

 

Açar sözlər: turistlər statistika