Azərbaycan iqtisadiyyatına investisiya qoyuluşu azalıb

12:32 - 10.06.2021


10 iyun, Fineko/abc.az. Cari ilin yanvar-may aylarında Azərbaycanda əsas kapitala 4 907 milyon manat və yaxud ötən ilin eyni dövrü ilə müqayisədə 5,3% az vəsait yönəldilib.

ABC.AZ  Dövlət Statistika Komitəsinin məlumatına əsasən xəbər verir ki, son 1 ildə neft-qaz sektoruna investisiyalar 2,1%, qeyri-neft-qaz sektoruna investisiyalar isə 7,9% azallb. İstifadə olunmuş vəsaitin 3 392,2 milyon manatı və yaxud 69,1 %-i məhsul istehsalı sahələrinə, 1 143,2 milyon manatı və yaxud 23,3 %-i xidmət sahələrinə, 371,6 milyon manatı və yaxud 7,6 %-i isə yaşayış evlərinin tikintisinə sərf olunub.

Qeyd olunur ki, 5 aylıq investisiya qoyuluşunun 2 960,8 milyon manatını və yaxud 60,3%-ni daxili vəsaitlər təşkil edib, 3 287,1 milyon manatı və yaxud 67%-i bilavasitə tikinti-quraşdırma işlərinin yerinə yetirilməsinə sərf edilib. Əsas kapitala yönəldilmiş vəsaitin ümumi dəyərində müəssisə və təşkilatların vəsaitləri 61,5%, büdcə vəsaitləri 18,1%, bank kreditləri 6%, əhalinin şəxsi vəsaitləri 6,9%, sair vəsaitlər isə 7,5% paya malik olub.

 

Bütün xəbərlər