Türkiyə Azərbaycana 100 min qutu dərman göndərir - Ərdoğan sənədi təsdiqləyib

10:44 - 7.07.2021

7 iyul, Fineko/abc.az. Türkiyə Prezidenti Rəcəb Tayyib Ərdoğan “Türkiyə hökuməti ilə Azərbaycan hökuməti arasında tibb sahəsində yardım göstərilməsinə dair anlaşma” sazişini təsdiqləyib.

ABC.AZ-ın məlumatına görə, sənəd 2021-ci ilin martın 31-də imzalanıb.

Sazişi Türkiyə hökuməti adından səhiyyə nazirinin müavini Halil Eldemir və Azərbaycan hökuməti adından isə ölkəmizin Türkiyədəki səfiri Xəzər İbrahim imzalayıb.

Sənədə əsasən, Türkiyə Azərbaycana 100.000 qutu Favipiravir dərmanı göndərəcək.

Yardım kimi verilən bu dərman Azərbaycanda səhiyyə xidmətlərinin göstərilməsində istifadə ediləcək.

 

Bütün xəbərlər