330x110
 

İlham Əliyev turizm infrastrukturunun yaradılmasına sərmayələrin artırılmasını tövsiyə etdi

29.03.2018,16:12

29 mart, Fineko/abc.az. Azərbaycan Prezidenti İlham Əliyev bu gün Azərbaycan-İran biznes forumunda çıxış edib.

Dövlət  başçısının bildirdiyi kimi, Astara-Rəşt yolunun tikintisi, həmçinin “Şimal-Cənub” nəqliyyat dəhlizinin istismara verilməsi ilə, minlərlə iş yerləri açılacaq,  bu iş yerlərini də sahibkarlar yaratmalıdırlar.

“Böyük turist axını gözlənilir. Hər il Azərbaycandan İrana və əks istiqamətdə yüz minlərlə insan səyahət edir, dəmir yolunun açılışından sonra isə, yalnız yüklər deyil, həmçinin də sərnişinlər daşınacaq və buna görə də turizm infrastrukturuna böyük investisiyalar yatırmaq lazımdır. Mən, Azərbaycan və İran sahibkarlarını bu məsələni müzakirə etməyə dəvət edirəm. Mən inandırıram ki, Azərbaycanda və İranda turizm infrastrukturuna, otellərin tikintisinə yatırılan birgə investisiyalar batmayacaq, əksinə, böyük gəlir gətirəcək”,  - dövlət başçısı bildirib.

 

 

Açar sözlər: İlham Əliyev