Altı ayda 4 bank 6 milyon manatdan çox zərər edib

15:11 - 30.07.2021


30 iyul, Fineko/abc.az. 2021-ci ilin ilk birinci yarısını 22 bank 372 milyon manat xalis mənfəət ilə, 4 bank isə 6,3 milyon manat xalis zərər ilə başa vurub.

ABC.AZ xəbər verir ki, bunu bu gün keçirilən mətbuat konfransında Mərkəzi Bankın Baş direktoru Toğrul Əliyev bildirib.

O qeyd edib ki, xalis zərər 3 bankda əməliyyat xərclərinin əməliyyat gəlirlərini üstələməsi, 1 bankda isə ehtimal olunan kredit zərərləri üçün ehtiyatların yaradılması ilə əlaqədar olub.

"Zərər ilə fəaliyyət göstərən bankların kapitalları üzləşdikləri risklərin absorsiyası üçün yetərlidir və onların maliyyə dayanıqlıqları üçün hər hansı bir təhlükə yaratmır. Bu zərər bank sistemi üçün də təhdid yaratmır" deyə Toğrul Əliyev deyib.

 

Bütün xəbərlər