Azərbaycan və Ermənistan prezidentləri Dağlıq Qarabağ münaqişəsinin tənzimlənməsi üzrə danışıqları fəallaşdırmaq barədə razılığa gəldilər

16.10.2017,17:57


Azərbaycan və Ermənistan xarici işlər nazirləri və ATƏT-in Minsk qrupunun həmsədrləri birgə bəyanat veriblər.

Azərbaycan Respublikasının Prezidenti İlham Əliyev və Ermənistan Respublikasının Prezidenti Serj Sarqsyan Cenevrədə görüş keçiriblər. Görüşdə Azərbaycanın xarici işlər naziri Elmar Məmmədyarov və Ermənistanın xarici işlər naziri Edvard Nalbandyan, habelə, ATƏT-in fəaliyyətdə olan sədrinin şəxsi nümayəndəsi Anji Kaspşik də iştirak ediblər.

Bəyanatda deyilir: “Görüş konstruktiv şəkildə keçib. Prezidentlər danışıqların fəallaşdırılması və təmas xəttində gərginliyin azalması üzrə  əlavə tədbirlər görməyə razılaşıblar. Həmsədrlər, uzun müddətli fasilədən sonra keçirilən birbaşa danışıqlardan  məmnun olduqlarını bildirdilər. Onlar Dağlıq Qarabağ münaqişəsinin sülh yolu ilə tənzimləmək üçün tərəflərlə birlikdə işləməyə hazırdır”.

Növbəti addım kimi, həmsədrlər yaxın gələcəkdə Azərbaycanın və Ermənistanın Xarici İşlər Nazirliyinin başçıları ilə işçi görüş təşkil etməyi planlaşdırırlar.