330x110
 

Daha 3 şəhərin baş planı hazırlanacaq - Tenderə yekun vuruldu

10.09.2021,10:04


10 sentyabr, Fineko/abc.az. Azərbaycanda daha 3 şəhərin baş planı hazırlanacaq.

ABC.AZ Report-a istinadən xəbər verir ki, Dövlət Şəhərsalma və Arxitertura Komitəsi İsmayıllı şəhərinin, Lənkəran rayonundakı Liman şəhərinin və Xaçmaz rayonundakı Xudat şəhərinin baş planlarının hazırlanması ilə bağlı elan etdiyi 3 açıq tenderə yekun vurub.

Tenderlərin qalibi müvafiq olaraq "EL & EN" Firması, "İntegris" MMC və Fövqalədə Hallar Nazirliyinin Tikintidə Təhlükəsizliyə Nəzarət Dövlət Agentliyinin Dövlət Baş Layihə İnstitutudur ("Azərdövlətlayihə").

Qaliblərə müvafiq olaraq 178 min manat, 154 min manat və 168 min manat, ümumilikdə isə 500 min manat ödəniləcək.