Azərbaycan Türkmənistan qazını İran üzərindən alacaq - Müqavilə imzalandı

29.11.2021,10:13


29 noyabr, Fineko/abc.az    Bildiyiniz kimi noyabrın 29-da Prezident İlham Əliyev Aşkabadda səfərdə olub.

ABC.AZ-ın məlumatına görə, səfər zamanı dövlət başçısı iranlı həmkarı Seyid İbrahim Rəisi ilə görüşüb. Səfər çərçivəsində İranla Azərbaycan arasında Sənəd imzalanıb. İ.Əliyev sənədin çox böyük əhəmiyyətinin olduğunu qeyd edib. O, bunu görüşdən sonra jurnalistlərə açıqlamasında bildirib. 

“Bu, tarixi sənəddir. Bir daha İran-Azərbaycan əlaqələrinin nə qədər dərin olmasından xəbər verir. Azərbaycan Türkmənistan qazını İran üzərindən alacaq. Bu, üçtərəfli əməkdaşlıq üçün çox gözəl zəmindir və bizim niyyətimizi göstərir. İmzalanmış bu sənədin iqtisadi və enerji təhlükəsizliyi baxımından da çox böyük önəmi var”.