Azərbaycanda hərbi helikopter qəzaya uğrayıb - Ölən və yaralılar var

12:35 - 30.11.2021

30 noyabr, Fineko/abc.az.  Bu gün saat 10:40 radələrində Dövlət Sərhəd Xidmətinin hərbi helikopteri Xızı rayonu ərazisində yerləşən “Qaraheybət” aviasiya poliqo­nunda təlim uçuşları yerinə yetirərkən qəzaya uğrayıb.

ABC.AZ xəbər verir ki, bu haqda Dövlət Sərhəd Xidməti və Baş Prokurorluq birgə məlumat yayıb. Qəza nəticəsində helikopterin heyəti arasında həlak olanlar və yaralananlar var. 

Dövlət Sərhəd Xidmətinin və Baş Prokurorluğun rəhbər heyəti hadisə yerindədir. Hadisə ilə əlaqədar birgə araşdırma tədbirləri həyata keçirilir.