Azərbaycanda sığortaçılar birinci rüb ərzində 193,1 milyon manat toplayıblar

16:32 - 19.04.2018


19 aprel, Fineko/abc.az.  2018-ci ilin yanvar-mart aylarında Azərbaycanın sığorta şirkətlərinin sığorta haqlarının həcmi 193,1 milyon manat, ödənişlərin həcmi isə 60,3 milyon manat təşkil edib.

Maliyyə Bazarlarına Nəzarət Palatasının məlumatında deyilir ki, könüllü sığorta növlərindən  olan daxilolmalar 157,1 milyon manat, ödənişlər isə  44,4 milyon manat təşkil edib.

İcbari sığorta bazarı üzrə haqlar 36 milyon manat, ödənişlər isə 15,9 milyon manat təşkil edib.

Sığorta haqlarının ümumi strukturunda könüllü sığorta haqlarının payı 81%, icbari növlər üzrə isə 19% olmuşdur. Könüllü sığorta növləri üzrə ödənişlər, ümumi ödənişlərin 74%-ni, icbari növlər üzrə 26%-ni təşkil etmişdir.

Azərbaycanda 21 sığorta şirkəti fəaliyyət göstərir.

 

Bütün xəbərlər