Türkiyə ölkəmizə kənd təsərrüfatında istifadə üçün dronlar bağışladı

28.12.2021,11:45


28 dekabr, Fineko/abc.az. Türk Əməkdaşlıq və Koordinasiya Agentliyi (TİKA) və Aqrar Elm və İnnovasiya Mərkəzi birlikdə “Dron əsaslı multispektral təsvirlərin çoxməqsədli analizi üçün səthin əks olunması və bitki örtüyünün göstəricilərinin aşkarlanması” adlı layihəyə start verib.

ABC.AZ xarici mətbuata istinadən xəbər verir ki, layihə çərçivəsində Azərbaycandan olan 3 mütəxəssis dronların kənd təsərrüfatında istifadəsi barədə məlumatlandırılıb.

Layihəyə Azərbaycana 1 multispektral dron, 1 pestisid səpən dron, xəritəçəkmə və analiz proqram təminatının bağışlanması daxildir. Dronlar həmçinin pestisidlərin tətbiqi və təhsil fəaliyyətlərində də istifadə olunacaq.

Müəllif: Elmir Murad