Yeni sosial şəbəkə fəaliyyətə başlayacaq - Müəllifi Trampdır

11.01.2022,16:04

11 yanvar, Fineko/abc.az. ABŞ-ın keçmiş prezidenti Donald Trampın bir müddət əvvəl bəyan etdiyi yeni sosial şəbəkənin fəaliyyətə başlamasına az qalıb.

ABC.AZ-ın məlumatına görə, Trampın təşəbbüskarı olduğu sosial şəbəkə fevralın 21-də fəaliyyətə başlayacaq.

Gələn ay fəaliyyətə başlayacağına baxmayaraq yeni sosial şəbəkəyə hələ də ad seçilməyib. Verilən məlumata görə, onun “Facebook”, “Twitter”, “YouTube”a alternativ olacağı iddia edilir. 

Qeyd edək ki, Donald Tramp ötən ilin yanvarında “Twitter”də bloklandıqdan sonra öz sosial şəbəkəsini yaratmağa qərar verib.

Müəllif: Elmir Murad