17:29 - 12.01.2022

---

12 yanvar, Fineko/abc.az. "Bravo" supermarketlərinin daxil olduğu "Azərbaycan Supermarket" MMC Bakı Fond Birjasına (BFB) AZ2002023524 ISIN kodlu, faizli, təminatsız, sənədsiz adlı istiqrazlarının standart bazar seqmentindən qeyri-listinq siyahısına salınması üçün müraciət edib.

Birjadan ABC.AZ-a daxil olan məlumata görə, müraciət məktubuna cavab olaraq, Listinq Komitəsinin qərarı ilə "Azərbaycan Supermarket" MMC-nin istiqrazları qeyri-listinq siyahısına salınıb.

Qeyd edək ki, 14 mart 2022-ci il tarixindən Azərbaycan Supermarket MMC-nin istiqrazları qeyri-listinq siyahısına salınaraq ticarət ediləcəkdir.