Ötən il bu məişət əşyalarının idxalı artıb - Siyahı

19.01.2022,12:07

19 yanvar, Fineko/abc.az. 2020-ci ilin yanvar-noyabr ayı ilə müqayisədə ötən ilin ilk on bir ayında mühüm məhsul növlərindən məişət kondisionerlərinin idxalı 2,2 faiz, paltaryuyan maşınların 20 faiz, məişət soyuducularının isə 1,6 dəfə artıb.

Dövlət Statistika Komitəsindən ABC.AZ-a verilən məlumata görə, ötən ilin yanvar-noyabr aylarında hesablama maşınları, blok və qurğularının idxalında 6 faiz artım müşahidə olunub.

Qeyd edək ki, idxalda maşınların, mexanizmlərin, elektrotexniki avadanlıq və aparatların, kimya sənayesi məhsullarının, nəqliyyat vasitələrinin, azqiymətli metallar və onlardan hazırlanan məmulatların, hazır ərzaq məhsulları, içkilər və tütün məmulatlarının, bitki mənşəli məhsulların, plastik kütlə və ondan hazırlanan məmulatların, toxuculuq materialları və məmulatlarının dəyəri üstünlük təşkil edib.