Dövlət sosial sığorta daxilolmaları artıb – Çoxalmanın siyahısı

21.01.2022,14:34


21 yanvar, Fineko/abc.az. Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fonduna məcburi dövlət sosial sığorta haqları üzrə daxilolmalarda son illərdə ciddi artım tempi özünü göstərib.

Fonddan ABC.AZ-a daxil olan məlumata görə, bunun göstəricisi kimi, sosial sığorta daxilolmalarının həcmi:

- 2017-ci ildə 2 milyard 85,7 milyon manat,

- 2018-ci ildə 2 milyard 327,1 milyon manat,

- 2019-cu ildə 2 milyard 921,6 milyon manat,

- 2020-ci ildə 3 milyard 553,2 milyon manat,

- 2021-ci ildə isə 3 milyard 843,4 milyon manat təşkil edib.

Göründüyü kimi, qeyd olunan dövrdə məcburi dövlət sosial sığorta haqları üzrə daxilolmalarda 84,3% və ya 1 milyard 757,68 milyon manatlıq artım baş verib.

Qeyd olunan daxilolmaların ötən il 63,5%-i və ya 2 milyard 441,2 milyon manatı özəl sektorunun payına düşüb.

Bu da 2017-ci ilə nisbətən 1 milyard 103,8 milyon manat və ya 82,5% çoxdur.