Yaponiyada 11 zavodun fəaliyyəti dayandırıldı - Çip böhranı

21.01.2022,15:47


21 yanvar, Fineko/abc.az. Yaponiyanın avtomobil istehsalçısı "Toyota Motor" korporasiyası ölkədə avtomobil komponentlərinin, xüsusən də hesablama çiplərinin çatışmazlığı səbəbindən 11 zavodun fəaliyyətini dayandırıb.

ABC.AZ Apa-ya istinadən xəbər verir ki, bu barədə şirkətin açıqlamasında deyilir. İstehsalın cümə, şənbə və bazar ertəsi dayandırılacağı bildirilir.

Daha əvvəl "Toyota" fevralda planlaşdırılan analoji addımları atılacağını açıqlamışdı.

Bununla belə, fevral ayında istehsalın dayandırılması şirkətin ölkədəki 14 zavodundan 8-də, o cümlədən "Prius" hibridləri və "Lexus" lüks avtomobilləri üçün xətlərdə baş verəcək.