İlham Əliyev Zelenskini təbrik edib - Dövlət başçıları telefonla danışıb

16:45 - 25.01.2022


25 yanvar, Fineko/abc.az. Prezident İlham Əliyev Ukrayna Prezidenti Volodimir Zelenskiyə zəng edib.

ABC.AZ xəbər verir ki, dövlət başçısı Ukrayna Prezidentini ad günü münasibətilə təbrik edib, fəaliyyətində uğurlar və möhkəm cansağlığı arzulayıb.

Təbrikə və xoş sözlərə görə dövlətimizin başçısına minnətdarlığını bildirən Volodimir Zelenski Prezident İlham Əliyevin bu yaxınlarda ölkəsinə səfərini məmnunluqla xatırladığını qeyd edib.

Azərbaycan Prezidenti səfər çərçivəsində göstərilən qonaqpərvərliyə görə Ukraynanın dövlət başçısına təşəkkür edib. Telefon söhbəti zamanı gələcək ikitərəfli əlaqələrə dair fikir mübadiləsi aparılıb.

 

Bütün xəbərlər