Mineralni Vodi şəhərinə bu qiymətə gedəcəyik

28.01.2022,15:40

28 yanvar, Fineko/abc.az. “Buta Airways” fevral ayında Mineralnıye Vodı şəhərinə uçuşları bərpa edir.

ABC.AZ xəbər verir ki, “Buta Airways” aviaşirkəti Bakıdan Mineralnıye Vodı şəhərinə birbaşa reysləri bərpa edir.

Aviadaşıyıcı fevralın 6-dan uçuşları həyata keçirəcək.

Bakı-Mineralnıye Vodı-Bakı marşrutu üzrə uçuşlar həftədə iki dəfə - çərşənbə axşamı və bazar günləri yerinə yetiriləcək.

Qeyd edək ki, bundan əvvəl, 2021-ci ilin may ayının sonundan 2022-ci ilin yanvar ayına qədər Mineralnıye Vodı şəhərinə uçuşlar “Azərbaycan Hava Yolları” aviaşirkəti tərəfindən həyata keçirilirdi.

Biletlərin dəyəri 29 avrodan başlayır.