İlham Əliyev: Nəhəng enerji obyektlərinin inşası bizim güclü imkanlarımızdan xəbər verir

14:18 - 11.02.2022


11 fevral, Fineko/abc.az. “Qobu” Enerji Qovşağı son illər ərzində inşa edilən ən böyük enerji obyektlərindən biridir. Nəzərə alsaq ki, həftənin əvvəlində “Yaşma” yarımstansiyası işə salındı, hər kəs görə bilər, cəmi bir həftə ərzində Azərbaycanda enerji sahəsində nə qədər böyük işlər görülüb.

ABC.AZ xəbər verir ki, Prezident İlham Əliyev bu fikirləri “Qobu” Enerji Qovşağının açılış mərasimindən sonra Azərtac-a müsahibəsində söyləyib.

“Yaşma” yarımstansiyasının və “Qobu” Enerji Qovşağının əhəmiyyətindən danışan dövlət başçısı deyib: “Həftənin əvvəlində Yaşmada böyük yarımstansiyanın istifadəyə verilməsi enerji dayanıqlılığına xidmət göstərəcək. Gücü 750 meqavat olan yarımstansiya əlbəttə ki, bizim enerji sistemimizdə önəmli yer tutacaq. Bu gün isə 385 meqavat gücündə “Qobu” Elektrik Stansiyasının açılması əlbəttə, generasiya güclərimizi böyük dərəcədə artıracaq. Bu stansiyanın yanında cəmi bir il ərzində 1000 meqavatlıq yarımstansiya inşa edilib”.

 

Bütün xəbərlər