Airbus şirkətinin xalis mənfəəti kəskin artıb – Tarixi rekord

17.02.2022,16:34


17 fevral, Fineko/abc.az. "Airbus" korporasiyasının xalis mənfəəti 2021-ci ildə 4,2 mlrd. avro təşkil edib.

ABC.AZ-ın məlumatına görə, bu da şirkətin tarixində rekord göstəricidir.

"Airbus" açıqlamasında qeyd olunub ki, şirkətin dividendləri hər səhmə görə 1,5 avroya çatıb.

Ümumi gəlir 52,1 mlrd. avro təşkil edib. Halbuki şirkət 2020-ci ili 1,1 mlrd. avro xalis zərər və 49,9 mlrd. avro gəlirlə başa vurub. Korporasiya 2020-ci ildəki 566 kommersiya təyyarəsi ilə müqayisədə 2021-ci ildə 611 avialayner tədarük edib, sifarişlərin əksəriyyəti A320 təyyarələrinə olub.