“Veysəloğlu” şirkətinə qarşı iş qaldırılıb

12:05 - 18.02.2022


18 fevral, Fineko/abc.az. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti "Veysəloğlu” MMC barədə antiinhisar qanunvericiliyini pozma əlamətləri üzrə iş qaldırıb.

Dövlət Xidmətindən ABC.AZ-a verilən məlumata görə, ötən il dünyada baş vermiş qlobal qiymət artımı fonunda ölkəmizdə bir sıra ərzaq məhsullarının qiymətində dəyişiklik müşahidə edilir.

Qiymət manipulyasiyalarının qarşısının alınması üçün  yerli idxalçı müəssisələrə zəruri sənəd və məlumatların təqdim olunmasına dair sorğular göndərib.

Sorğulara əksər təsərrüfat subyektlərinin vaxtında cavab verməsinə baxmayaraq, “Veysəloğlu” heç bir sənəd və məlumat təqdim etməyib.

Bununla bağlı şirkət barədə antiinhisar qanunvericiliyinin pozulması əlamətləri üzrə iş qaldırılıb. İşə baxılması nəticəsindən asılı olaraq, təsərrüfat subyekti barədə qanunauyğun tədbir görüləcək.

 

Bütün xəbərlər