Bakı-Moskva sərnişin reysinin uçuş marşurutu dəyişdi

11:57 - 24.02.2022

24 Fevral, Fineko/abc.az. "Azərbaycan Hava Yolları" aviaşirkəti (AZAL) Bakı-Moskva sərnişin reysini həyata keçirən təyyarələrin uçuş marşrutunu dəyişib.

AZAL-dan ABC.AZ-a verilən məlumata görə, Sözügedən qərar NOTAM Rusiya hava məkanının müəyyən hissələrində mülki təyyarələrin uçuşlarının məhdudlaşdırılması ilə bağlıdır.

Aviaşirkət Bakı-Moskva-Bakı reysini Qazaxıstan ərazisindən keçməklə yerinə yetirəcək ki, bu da uçuş vaxtının artmasına səbəb olacaq. Uçuşun təxmini vaxtı 3 saat 20 dəqiqə təşkil edəcək.

 

Bütün xəbərlər