BP “Rosneft”dəki payından imtina edir

11:35 - 28.02.2022


28 fevral, Fineko/abc.az. Böyük Britaniyanın neft şirkəti BP Ukraynadakı müharibəyə görə Rusiyanın “Rosneft” şirkətinin 19,75%-lik payından imtina etdiyini bildirib.

Bu barədə TASS məlumat yayıb.

"BP-nin Direktorlar Şurası bu gün şirkətin “Rosneft”dəki payını ləğv edəcəyini açıqladı. BP 2013-cü ildən “Rosneft”də 19,75% paya sahibdir. Bundan əlavə, BP-nin baş icraçı direktoru Bernard Luni “Rosneft” direktorlar şurasını dərhal tərk edir". “Rosneft”in digər direktoru, BP tərəfindən irəli sürülən, keçmiş baş icraçı direktor Bob Dadli də direktorlar şurasından istefa verir”, - məlumatda deyilir.

Qeyd olunur ki, bu qərar fonunda şirkət bundan sonra ehtiyatlarının həcmi, hasilatı və mənfəəti barədə “Rosneft”ə hesabat verməyəcək, həmçinin Rusiya şirkəti ilə digər birgə layihələrdən də imtina edəcək.

"Bir çoxları kimi, mən də Ukraynada baş verən situasiyadan çox sarsıldım və məyus oldum, ürəyim bütün zərərçəkənlərlədir. Bu, bizi BP-nin “Rosneft” ilə münasibətlərini əsaslı şəkildə yenidən nəzərdən keçirməyə məcbur etdi. Əminəm ki, idarə heyətinin qəbul etdiyi qərarlar təkcə düzgün deyil, həm də BP-nin uzunmüddətli maraqlarına uyğundur. Bizim birinci prioritetimiz regiondakı gözəl insanlarımıza qayğı göstərməkdir və onlara dəstək olmaq üçün əlimizdən gələni edəcəyik. Biz həmçinin BP-nin daha geniş humanitar səylərə töhfə verə biləcəyi yolları araşdırırıq", - Luni deyib.

Bütün xəbərlər