10:53 - 10.03.2022

---

10 mart, Fineko/abc.az. Bildiyiniz kimi Rusiya-Ukrayna böhranı başlayandan Moskvaya tətbiq olunan sanksiyalar bəzi şirkətlərin şimal qonşumuzu tərk etməsinə gətirib çıxarıb.

ABC.AZ xəbər verir ki, iki həftə ərzində Amerikanın 100-ə yaxın nəhəng şirkəti Rusiya bazarından gedib.

Ukraynanın ABŞ-dakı səfiri Oksana Markarova sözügedən şirkətlərə mənəvi liderlik nümayiş etdirdiklərinə görə minnətdarlığını bildirib.

Onun sözlərinə görə, “Microsoft”, “Apple”, “PayPal”, “American Express”, “Visa”, “Mastercard”, “Boeing”, “Deloitte”, “Adobe”, “IBM”, “Cisco”, “Intel”, “Oracle”, “Ford”, “Dell”, “Delta Air Lines”, “General Motors”, “McDonalds”, “Starbucks” və bir çox digər nəhəng şirkət Rusiya bazarlarına gələcək investisiyaların dayandırılması, ölkə bazarlarında iştirakın dayandırılması ilə bağlı qərar qəbul ediblər.