Azərbaycanda şərabçılığın inkişafına dair Dövlət proqramı təsdiq edildi

17:27 - 3.05.2018


3 may, Fineko/abc.az. Azərbaycan prezidenti İlham Əliyev  “2018–2025-ci illərdə Azərbaycan Respublikasında şərabçılığın inkişafına dair Dövlət proqramını”nın təsdiq edilməsi haqqında sərəncam imzalayıb.

Dövlət proqramı ölkədə şərabçılığın inkişafına, bu sahənin gəlirliliyinin və ixrac potensialının artırılmasına yönəlib.

Məqsədlərdən biri 2025-ci ilə qədər şərab məhsullarının ixracını 5 dəfə artırmaqdır.

Nazirlər Kabinetinə müvafiq icra hakimiyyəti orqanları ilə birgə Dövlət Proqramının həyata keçirilməsini təmin etmək üçün lazımi tədbirlər görülməsi tapşırılıb.

İqtisadiyyat Nazirliyinə, Kənd Təsərrüfatı Nazirliyi ilə nəzərdə tutulan tədbirlərin həyata keçirilməsinin  əlaqələndirilməsi və ildə bir dəfə dövlət proqramının həyata keçirilməsi barədə Azərbaycan Prezidentinə məlumat verilməsi tapşırılıb.

 

Bütün xəbərlər