Bakıda şadlıq saraylarında qiymətlər artıb - Monitorinq keçirilib

16:22 - 4 Aprel 2022

4 aprel, Fineko/abc.az. Bakıda şadlıq saraylarında qiymət artımları müşahidə olunmağa başlayıb.

İqtisadi və Sosial İnkişaf Mərkəzindən (CESD) ABC.AZ-a verilən məlumata görə, bahalaşma toyların keçirilməsi qaydaları ilə bağlı qadağanın yumşaldılmasından sonra qeydə alınıb.

Belə ki, qiymət və keyfiyyət üzrə aparılan monitorinqlərə əsasən, qaydalar yumşalandan sonrakı dövrdə menyuların qiyməti orta hesabla 7 faizədək bahalaşıb.

40 manatadək olan menyularda qiymət artımlar 5 faiz, 40-80 manat arasındakı menyularda 7 faiz, 80 manatdan yüksək qiymət təklif edilən menyualarda isə artım 9 faiz olub.