“Mangal Steak House”da lift qırıldı - 2 nəfər yaralandı

10:28 - 6.04.2022


6 aprel, Fineko/abc.az. Bildiyiniz kimi ötən gün Səbail rayonu ərazisində restoranda liftin qırılması nəticəsində 2 nəfər ağır xəsarət alıb.

ABC.AZ xəbər verir ki, yerli media və sosial şəbəkələrdə yayılan məlumata görə, hadisə Bayıl qəsəbəsi Aydın Nəsirov küçəsində yerləşən “Mangal Steak House” restoranında baş verib.

Hadisə zamanı  liftin təmiri ilə məşğul olan 1988-ci il təvəllüdlü Məmməd Abdulsalamov və 1978-ci il təvəllüdlü Nadir Qəhrəmanov ağır xəsarətlər alıblar.

Hazırda hər iki yaralı da reanimasiyaya yerləşdirilib.

Bütün xəbərlər