Dünya nəhəngi olan bu ölkədə əksər sektorlarda bahalaşma qeydə alınıb

11.05.2022,11:16

11 may, Fineko/abc.az.  Xəbər verdiyimiz kimi Çində ötən ay inflyasiya 2,1% artıb.

ABC.AZ-ın məlumatına görə, adıçəkilən ölkədə aprel ayında təzə tərəvəzin qiyməti illik müqayisədə 24%, meyvələrin qiyməti 14,1%, yumurtanın qiyməti 12,1% bahalaşıb. Eyni zamanda, ətin qiyməti 19,6%, Çində istehlak səbətinin əsas elementlərindən biri olan donuz əti isə illik ifadədə 33,3% ucuzlaşıb. Ötən ay nəqliyyat və rabitə sahəsində xidmətlərin qiymətləri 6,5%, təhsil sahəsində 2%, mədəniyyət və əyləncə sahəsində 1,7% bahalaşıb. Ötən ilin aprel ayı ilə müqayisədə səhiyyə xidmətlərinin dəyəri 0,7% artıb.

Müəllif: Elmir Murad