"Qala Sığorta" şirkəti satıldı - Detallar

17.05.2022,16:59

17 may, Fineko/abc.az. 100% səhmdarı olan "AzRe Təkrarsığorta" ASC "Qala Sığorta" şirkətini satıb.

ABC.AZ Report-a istinadən xəbər verir ki, bu barədə təkrarsığortaçıdan bildirilib. Alıcının kim olduğu açıqlanmayıb.

Hazırda "AzRe Təkrarsığorta" yalnız "Qala Həyat Sığorta" ASC-nin səhmlərinin 90%-nə, "Azər-Türk Bank" ASC-nin isə səhmlərinin 6,55%-nə nəzarət edir.

Xatırladaq ki, "Qala Sığorta" 1999-cu ildən fəaliyyət göstərən "Çartis-Azərbaycan" şirkətinin bazasında 2015-ci ildə yaradılıb. Həmin vaxta qədər onun səhmdarı "American International Group" olub.