Azərbaycanda banklar valyuta hərracına tələbi artırıblar

19.05.2022,12:36


19 may, Fineko/abc.az. Azərbaycan Mərkəzi Bankı (AMB) Dövlət Neft Fondunun iştirakı ilə valyuta hərracı keçirib.

AMB-nin məlumatında deyilir ki, mayın 19-da valyuta hərracında $49,2 mln satılıb ki, bu da ötən hərracda olduğundan $10,7 mln (27,79%) çoxdur.

"Valyuta hərracında banklar tərəfindən tələb $49,2 mln. təşkil edib və tam təmin edilib", - deyə AMB-nin məlumatında bildirilir.

Hərracın nəticələrinə görə manatın ortaçəkili məzənnəsi 1,7000 AZN/USD səviyyəsində formalaşıb.