İcbari tibbi sığorta xidməti hansı xəstəxanalarda keçərlidir?

20.05.2022,11:46


20 may, Fineko/abc.az. Əksər hallarda vətəndaşlar dövlət tibb müəssisələrinə icbari tibbi sığorta ilə müraciət edərkən müəyyən problemlərlə qarşılaşırlar.

ABC.AZ xəbər verir ki, vətəndaşlara çox zaman müraciət etdiyi tibbi xidmətin icbari tibbi sığortanın xidmətlər zərfinə daxil olmadığı və ya düzgün xəstəxanaya müraciət etməli olduqları deyilir.

Bəs icbari tibbi sığorta xidməti hansı xəstəxanalarda keçərlidir?

Bu sualı İcbari Tibbi Sığorta üzrə Dövlət Agentliyinin şöbə müdiri Pərvin Baxşəliyeva AZTV-yə açıqlamasında cavablandırıb.

O bildirib ki, icbari tibbi sığortanın xidmətlər zərfinə 2500 sayda tibbi xidmət daxildir:

"Bu tibbi xidmətlər TƏBİB-in tabeliyindəki tibb müəssisələrində göstərilir. Əgər TƏBİB-in tabeliyindəki tibb müəssisələrində bu xidmətin göstərilməsi mümkün olmazsa, vətəndaşlar göndərişlə İcbari Tibbi Sığorta üzrə Dövlət Agentliyinin müqaviləli özəl tibb müəssisələrinə göndərilir".

Müəllif: Elmir Murad