Ümid yatağından gündəlik qaz hasilatı 8,1 mln. kubmetrə çatdırılacaq

20.05.2022,11:59

20 may, Fineko/abc.az. İlkin hesablamalara görə, Xəzər dənizində yerləşən Ümid qaz yatağının ümumi ehtiyatı 200 mlrd. kubmetr qaz və 40 mln. ton kondensat həcmindədir.

Bu barədə ABC.AZ-a SOCAR-dan bildirilib. Məlumata görə, yataqdan cari nəql xətlərində məhdudiyyətləri nəzərə alaraq, gündəlik 3 mln. kubmet qaz və 470 ton (3600 barel) kondensat hasil olunur və SOCAR-ın texnoloji sistemi ilə “Daşgil” terminalına nəql etdirilir.

“Ümid-1 Stasionar Dəniz Özülündə (SDÖ)-dən hasilatın sürətləndirilməsi” layihəsi reallaşdırıldıqdan sonra gündəlik təhlükəsiz qaz hasilatının 8,1 mln. kubmetrə, kondensat hasilatının isə 1 200 tona (9 000 barel) qədər artırılması nəzərdə tutulub.

Müəllif: Elmir Murad