Ermənistanda aksiyalar böyüyür

20.05.2022,14:09


20 may, Fineko/abc.az. Ermənistanın paytaxtı İrəvanda etiraz aksiyası durmadan davam edir.

ABC.AZ Rusiya mətbuatına istinadən xəbər verir ki, aksiya iştirakçıları “Ermənistan Demokratiya Forumu”nun keçirildiyi hotelin qarşısına toplaşıblar.

Sözügedən tədbir ölkənin Baş naziri Nikol Paşinyan, ABŞ-ın İrəvandakı səfiri Linn Treysi və Avropa İttifaqının diplomatik missiyasının rəhbərliyinin iştirakı ilə keçirilir.

Aksiya iştirakçıları “Nikolsuz Ermənistan”, “Treysisiz Ermənistan” şüarları səsləndirib. Tədbirin keçirildiyi hotel xüsusi polis qüvvələri tərəfindən əhatəyə alınıb.

Qeyd edək ki, Ermənistan müxalifəti daha əvvəl də ABŞ və Avropa İttifaqını ölkədə ikili standart siyasəti həyata keçirməkdə ittiham edib.