Daha bir məşhur şirkət Rusiya bazarını tərk edəcək

25.05.2022,15:42

25 may, Fineko/abc.az. Böyük Britaniyanın geyim istehsalçısı Marks & Spencer Ukrayna hadisələri ilə əlaqədar Rusiya bazarını tamamilə tərk edəcək.

ABC.AZ xəbər verir ki, bu barədə şirkətin yaydığı məlumatında bildirilir.

Qeyd olunur ki, iri pərakəndə satış şirkəti mart ayında Rusiyaya malların çatdırılmasını dayandırıb, lakin işin hüquqi xüsusiyyətlərinə görə françayzi Rusiya bazarından tam çıxa bilməyib.

Beləliklə, Rusiya Federasiyasında təxminən 50 Marks & Spencer mağazası açıq qalmağa davam edib.

Yeni press-relizdə şirkətin nəhayət Rusiyanı tərk edəcəyi bildirilir.