Aktiv əmək müqavilələrinin sayı 290 minə yaxın artıb

26.05.2022,12:00


26 may, Fineko/abc.az. Bu il mayın 1-nə Azərbaycanda aktiv əmək müqavilələrinin sayı 1 milyon 691 min olub.

ABC.AZ xəbər verir ki, bunu İqtisadiyyat Nazirliyi yanında Dövlət Vergi Xidmətin İqtisadi təhlil və uçota nəzarət Baş İdarəsinin Sosial sığorta və əmək münasibətlərinə nəzarət idarəsinin rəisi Nigar Vahabzadə bildirib.

"2019-cu ilin əvvəli ilə müqayisədə əmək müqavilələrinin sayı 290 minə yaxın artıb. Artımın 80%-i (242 min) məhz islahatın tətbiq olunduğu qeyri-neft özəl sektorun payına düşür", - deyə vergi rəsmisi qeyd edib.